Təlimçilərlə “Auditoriyadan gələn sualların idarə olunması” mövzusunda növbəti interaktiv vörkşop keçirdik. Görüş zamanı iştirakçılar müxtəlif tip sualları tanımaq və onlara uyğun strategiyalar tətbiq etmək bacarıqlarını inkişaf etdirdilər. Praktik fəaliyyətlər və rollu oyunlar vasitəsilə real situasiyalar üzərində işlədik. Məqsədimiz təlim prosesində daha effektiv və peşəkar ünsiyyət qurmağı gücləndirmək idi.

“Auditoriyadan gələn sualların idarə olunması” mövzusunda növbəti görüş keçirilibTəlimçi həmkarlarla keçirilən növbəti onlayn görüş “Auditoriyadan gələn sualların idarə olunması” mövzusuna həsr olunub. Görüşün əsas məqsədi təlim və təqdimatlar zamanı iştirakçılar tərəfindən verilən müxtəlif tip sualların düzgün şəkildə tanınması və effektiv idarə olunması bacarıqlarının inkişaf etdirilməsi olub.Görüş çərçivəsində auditoriyadan gələn sualların növləri – gerçək suallar, müqavimət yaradan suallar, provokasiya tipli suallar və diqqət çəkmək məqsədilə verilən suallar – iştirakçılarla birlikdə təhlil edilib. Hər bir sual növünün xüsusiyyətləri müzakirə olunub və bu suallara uyğun yanaşma üsulları təqdim edilib.Praktik fəaliyyətlər zamanı iştirakçılar müxtəlif situasiyalar üzərində işləyərək auditoriyadan gələn suallara peşəkar və konstruktiv şəkildə cavab vermə strategiyalarını tətbiq ediblər. Qrup işi və rol oyunları vasitəsilə real təlim mühitində yarana biləcək halların idarə olunması bacarıqları inkişaf etdirilib.Görüş interaktiv mühitdə təşkil olunub və iştirakçılar mövzu ilə bağlı öz təcrübələrini bölüşərək qarşılıqlı fikir mübadiləsi aparıblar.

“Peşəkar Təlim və İnkişaf Mərkəzi” Əlavə Təhsil Müəssisəsi MMC ilə əməkdaşlıq edən təlimçilərin təlimçilik bacarıqlarının təkmilləşdirilməsi məqsədilə keçirilən görüşlər davam edir. Növbəti görüşümüz bölgədə fəaliyyət göstərən təlimçilərimizlə baş tutmuşdur.   Görüş çərçivəsində təlimçilərin fəaliyyət istiqamətləri və öhdəlikləri, təlim məzmunlarının keyfiyyətinin artırılması üçün rəy və təkliflərin sistemləşdirilməsi, eləcə də müdavimlərlə effektiv ünsiyyət və iş bacarıqlarının gücləndirilməsi kimi mühüm mövzular müzakirə olunmuşdur.  Müxtəlif mövzular üzrə mütəmadi keçirilməsi nəzərdə tutulan bu görüşlər təlim prosesinin keyfiyyətinin yüksəldilməsinə və təlimçilərin peşəkar kompetensiyalarının davamlı inkişafına xidmət edir.