29 noyabr tarixində “Peşəkar Təlim və İnkişaf Mərkəzi”-nin əməkdaşları üçün “Komanda quruculuğu” təşkil olunub.Tədbirin keçirilməsinin əsas hədəfi əməkdaşların iş mühitindən kənarda bir-biri ilə daha səmimi və produktiv ünsiyyət qurmasına şərait yaratmaq idi. Bununla yanaşı, komanda daxilində həmrəyliyin artırılması, qarşılıqlı dəstək və əməkdaşlıq mühitinin gücləndirilməsi, eləcə də motivasiya və komanda mədəniyyətinin inkişaf etdirilməsi nəzərdə tutululmuşdur.Mərkəzin direktoru Nəcməddin Mehtiyev çıxışı ilə tədbiri açaraq, iştirakçıları aktiv olmağa və oyunlarda fəal şəkildə iştirak etməyə təşviq edib.Tədbir çərçivəsində təşkil olunan intellektual komanda oyunu proqramın dinamikliyini artıraraq iştirakçılara əlavə motivasiya verib. Təşkil olunan stolüstü aktiv oyunlar əməkdaşların böyük marağına səbəb olaraq onların yüksək fəallıqla iştirakını təmin etmişdir. Tədbir müddətində əməkdaşlar müxtəlif oyunlarda öz bacarıqlarını nümayiş etdirərək həm əyləndilər, həm də sağlam rəqabət mühitində bir-biriləri ilə yarışdılar. Bu fəaliyyətlər komanda ruhunun gücləndirilməsinə və əməkdaşlar arasında qarşılıqlı ünsiyyətin artırılmasına mühüm töhfədir.

Azərbaycan Respublikasının Təhsil İnstitutunun (ARTİ) sifarişi ilə Peşəkar Təlim və İnkişaf Mərkəzi (PTİM) tərəfindən “Məktəbəqədər təhsil müəssisələrində öyrədici mühitin təşkili” mövzusunda 24 akademik saatlıq ixtisasartırma təlimləri təşkil olunub.Təlimlərin əsas məqsədi məktəbəqədər təhsil müəssisələrində öyrənmə mühitinin keyfiyyətinin artırılması, pedoqoji prosesin səmərəli təşkili və tərbiyəçi-müəllimlərin peşəkarlıq səviyyəsinin yüksəldilməsinə dəstək göstərməkdir.Təlim proqramı çərçivəsində iştirakçılar aşağıdakı mövzular üzrə nəzəri və praktik biliklərə yiyələnmişdir:•    Uşaqmərkəzli öyrənmə yanaşmasının mahiyyəti;•    Öyrənmə prosesinin mərhələlərinin (hazırlıq, icra, nəticənin təhlili) tətbiqi;•    Təhsil prosesinin iştirakçılarının rollarının onların hüquq və vəzifələrinə uyğun müəyyənləşdirilməsi;•    Fəaliyyətlərarası keçidlərin sistemli və məzmunlu təşkili;•    Öyrənmə prosesinin keyfiyyətinin ölçülməsi;•    İnklüziv yanaşmanın tətbiqi və əhəmiyyəti.Təlimlər iştirakçıların peşəkar inkişafına töhfə verməklə yanaşı, məktəbəqədər təhsil müəssisələrində öyrədici mühitin daha yüksək səviyyədə qurulmasına dəstək olmağı hədəfləyir.

Azərbaycan Respublikasının Təhsil İnstitutunun sifarişi ilə “Peşəkar Təlim və İnkişaf Mərkəzi” MMC tərəfindən Qarabağ və Şərqi Zəngəzur Regional Təhsil İdarələrinin tabeliyində fəaliyyət göstərən Böyük Qayıdışın ilk məktəblərində 21-25 iyun tarixlərində ixtisasartırma təlimləri həyata keçirilib.Bu layihənin əsas məqsədi yalnız təlim keçmək deyil – Vətənə qayıdan təhsil ocaqlarını dirçəltmək, müəllimlərimizi müasir biliklərlə silahlandırmaq, gələcəyimizi yetişdirən əllərə güc verməkdir.Təlimlər aşağıdakı mövzuları əhatə edib: “Tədris prosesinin səmərəli təşkilində İKT və süni intellektin tətbiqi” “Məktəblərdə nizam-intizamın təşkili”Təlimlərə Laçın rayonunun Sus və Zabux kənd tam orta məktəbləri, Şuşa şəhər 1 nömrəli, Xankəndi şəhər 4 nömrəli və Füzuli şəhər 1 nömrəli tam orta məktəblərinin fədakar pedaqoji heyətləri cəlb olunub.