“Peşəkar Təlim və İnkişaf Mərkəzi” Əlavə Təhsil Müəssisəsi MMC ilə əməkdaşlıq edən təlimçilərin təlimçilik bacarıqlarının təkmilləşdirilməsi məqsədilə keçirilən görüşlər davam edir. Növbəti görüşümüz bölgədə fəaliyyət göstərən təlimçilərimizlə baş tutmuşdur.   Görüş çərçivəsində təlimçilərin fəaliyyət istiqamətləri və öhdəlikləri, təlim məzmunlarının keyfiyyətinin artırılması üçün rəy və təkliflərin sistemləşdirilməsi, eləcə də müdavimlərlə effektiv ünsiyyət və iş bacarıqlarının gücləndirilməsi kimi mühüm mövzular müzakirə olunmuşdur.  Müxtəlif mövzular üzrə mütəmadi keçirilməsi nəzərdə tutulan bu görüşlər təlim prosesinin keyfiyyətinin yüksəldilməsinə və təlimçilərin peşəkar kompetensiyalarının davamlı inkişafına xidmət edir. 

“Peşəkar Təlim və İnkişaf Mərkəzi”  27-30  yanvar 2026-cı il tarixlərində Abşeron rayonu Xırdalan şəhərində yerləşən “Yaşam Beynəlxalq Məktəbi”nin müəllimləri üçün  “Məktəbdə nizam - intizam və sinif idarəetməsi” mövzusunda təlim təşkil etmişdir.Təlim ərzində müdavimlər nizam-intizamın təşkilinin şagird öyrənməsinə təsiri, nizam-intizamın təşkilində ünsiyyətin rolu, Bill Rocersin Qətiyyətli nizam-intizam nəzəriyyəsi və onun effektiv tətbiqi, davranış tənzimləməsində SDN (ABC) modelinin xüsusiyyətləri və onun reallaşdırılması, effektiv idarə olunan sinfin göstəriciləri, vaxt idarəetmə strategiyaları, arzuolunmaz davranışların qarşısının alınması və aradan qaldırılması, o cümlədən sinif qaydalarının tərtibində nəzərə alınan məqamlar və s. mövzuları üzrə biliklər əldə etmiş və effektiv tətbiqi istiqamətində səriştələrə yiyələnmişlər.

“Peşəkar Təlim və İnkişaf Mərkəzi” Əlavə Təhsil Müəssisəsi MMC ilə əməkdaşlıq edən təlimçilərin təlimçilik bacarıqlarının təkmilləşdirilməsi məqsədilə görüşlərə start verilib. Görüşlər çərçivəsində təlimçilərin fəaliyyət istiqamətləri və öhdəlikləri, təlim məzmunlarının keyfiyyətinin artırılması üçün rəy və təkliflərin sistemləşdirilməsi, eləcə də müdavimlərlə effektiv ünsiyyət və iş bacarıqlarının gücləndirilməsi kimi mühüm mövzular müzakirə olunur.Bu təşəbbüs təlim prosesinin keyfiyyətinin yüksəldilməsinə və təlimçilərin peşəkar kompetensiyalarının davamlı inkişafına xidmət edir.. Qeyd edək ki, bu görüşlərin müxtəlif mövzular üzrə mütəmadi keçirilməsi nəzərdə tutulur.